Kæra stuðningsfólk.
Nýliðin helgi hefur verið hreint út sagt frábær í herbúðum Höllu Hrundar.
Stóri dreifingardagurinn var í fyrradag, laugardag, og var stuðningsfólk á yfir 100 stöðum á landinu að hjálpast að við að dreifa bæklingi með upplýsingum um Höllu Hrund. Þið voruð mörg hver dugleg að deila myndum inn á stuðningshópinn og erum við þakklát fyrir það. Það var alveg hreint stórkostlegt að finna kraftinn og meðbyrinn og hvernig töfrarnir gerast þegar fólk tekur höndum saman og klárar verkin. Hér er skemmtilegt myndband frá deginum.
Póstburðurinn hefur haldið áfram í dag og verður áfram gengið í hús næstu daga. Ef þú vilt slást í hópinn farðu þá inn á https://www.hallahrund.is/landallt og finndu póstmeistara nálægt þér. Það eru örfá hverfi og götur sem enn á eftir að dreifa í.
Halla Hrund hefur áfram verið dugleg að hitta fólk víðsvegar um landið. Hún var fyrir skemmstu meðal annars í Reykjanesbæ, á Akranesi og Snæfellsnesi og svo verður hún á Hvolsvelli í hádeginu í dag, mánudag. Svo verður hún með fund í Reykjavík í kvöld, mánudagskvöld. https://www.hallahrund.is/vidburdir
Skemmtilegar fréttir:
Nú þegar örfáir dagar eru til kosninga þurfum við öll að leggjast á árarnar, halda áfram að tala við fólkið í kringum okkur og breiða út boðskapinn. Það er einnig mikilvægt að auglýsa í sjónvarpi og útvarpi síðustu dagana fyrir kjördag. Slíkt kostar töluvert og því leitum við til ykkar, kæra stuðningsfólk. Það munar um allt og með ykkar hjálp getum við tryggt auglýsingar þessa allra síðustu daga. Nánari upplýsingar um það hér: https://styrkja.hallahrund.is/
Við minnum einnig á að það er hægt að kjósa strax í dag. Ef þú verður að heiman á kjördag er mikilvægt að muna eftir að kjósa fyrir brottför. Allar upplýsingar eru hér:
https://www.hallahrund.is/ad-kjosa
Baráttukveðjur,
Stuðningsfólk Höllu Hrundar
