Fréttabréf 15 maí 2024

Kæra stuðningsfólk.

Nú eru rúmar tvær vikur til kosninga og nóg eftir. Við erum innilega þakklát fyrir meðbyrinn og stuðninginn sem við finnum frá ykkur.

Halla Hrund hefur haft í nógu að snúast undanfarið en hún var meðal annars í Forystusætinu á RÚV í gærkvöldi sem horfa má á hér.

Sindri Sindrason kíkti í heimsókn til Höllu Hrundar og má horfa á það hér.

Þá fór Halla Hrund í stutta ferð til Kaupmannahafnar og heilsaði upp á Íslendinga sem þar búa. Hún hélt vel sóttan fund í Jónshúsi, sjá myndband.

Baráttan er í fullum gangi og margt skemmtilegt fram undan:

• Á morgun, fimmtudag, tekur Halla Hrund þátt í kappræðum á Stöð 2 og allt stuðningsfólk er velkomið niður í kosningamiðstöð að horfa á þær annað kvöld klukkan 18:55.
• Á föstudaginn býður Halla Hrund öllum konum að koma að hitta sig á sérstökum Kvenna happy hour í kosningamiðstöðinni. Sjá hér.
• Á laugardaginn verður stór fundur og fjölskylduhátíð í Salnum í Kópavogi. Við hvetjum ykkur öll til að mæta, hitta annað stuðningsfólk og hlusta á Höllu Hrund lýsa sinni sýn fyrir Ísland. (Sjá hér)

Fram að kosningum heldur Halla Hrund áfram að ferðast um landið og hitta fólk. Í gær voru góðir fundir haldnir á Friðheimum í Reykholti og í Hveragerði. Meðal þeirra staða sem hún á eftir að heimsækja eru Tröllaskagi, Selfoss, Suðurnesin, Akranes, Borgarnes og Snæfellsnes, sjá nánar hér: https://www.hallahrund.is/vidburdir

Við viljum líka koma því á framfæri að hægt er að styðja fjárhagslega við framboðið. Margt smátt gerir eitt stórt og við treystum á ykkar stuðning í þessum efnum. Allar upplýsingar um styrki og varning tengdan framboðinu má finna hér: https://www.hallahrund.is/studningur

Kær kveðja,

Stuðningsfólk Höllu Hrundar

‍